Night and Day av Cole Porter

«Night and Day» er ein popsong av Cole Porter. Han vart skriven i 1932 for musikalen Gay Divorce. Han er kanskje den mest populære songen til Porter i Great American Songbook og har blitt spelt inn av mange andre artistar.

Fred Astaire introduserte «Night and Day» på scenen og innspelinga hans av songen nådde toppen av singellista i USA. Han framført esongen på ny i 1934 i filmversjonen av showet, kalla The Gay Divorcee, og vart ein av signaturstykka hans.

Det finst fleire soger om korleis Porter fekk inspirasjon til songen. Ei nemner at han var inspirert av ei islamsk bøn då han vitja Marokko.^[1] Ei anna soge seier at han var inspirert av den maurisk arkitekturen i Alcazar Hotel i Cleveland Heights i Ohio.^[2]

Songen vart så sterkt knytt til Porter at då Hollywood først filma livssoga hans i 1946, fekk filmen namnet Night and Day.

1. ↑ http://www.npr.org/2000/06/25/1075845/night-and-day
2. ↑ «Cleveland Heights' Alcazar exudes exotic style and grace in any age». Cleveland Plan Dealer. Henta 31. oktober 2015.